Sobre la revista
La Revista de l’Academia Aragonesa de la Lengua (RAAL) ye una publicación cientifica anyal de l'Academia Aragonesa de la Lengua, adedicada a la investigación, lo estudio y la difusión d’as luengas propias d’Aragón: l’aragonés y lo catalán.
ISSN: 3101-2825
DOI: https://doi.org/10.65066/raal
Esta revista s’ha editau con l’aduya d’o Gubierno d’Aragón y d’o Ministerio de Cultura.
Enfoque y alcanz
La revista publica treballos orichinals d’investigación sobre lingüistica, filolochía, sociolingüistica, dialectolochía, literatura, historia d’a luenga y atros ambitos relacionaus con l’aragonés, lo catalán en Aragón y lo suyo contexto cultural. S’aceptan articlos en aragonés y catalán, luengas propias d’a revista, asinas como en atras luengas románicas y en anglés.
Proceso de revisión
Totas las contribucions recebidas son sozmesas a una revisión por pares (peer review). Los revisors son especialistas en o campo de l’articlo y avaluarán la suya orichinalidat, riguridat cientifica y adecuación a la linia editorial d’a revista. La revista garantiza la independencia entre los autors y los revisors, evitando asignar evaluadors que perteneixcan a la mesma institución u que mantiengan relación profesional u personal con os autors.
Politica d’acceso ubierto
Esta revista ofreix acceso ubierto immediato a los suyos contenius, baixo lo principio de que meter a disposición libre los resultaus d’a investigación contribuye a un intercambio mayor d’o conoiximiento. Toz os contenius se publican baixo una licencia Creative Commons Atribución–NoComercial–SinDerivadas 4.0 Internacional (CC BY-NC-ND 4.0).
Politica d’archiu y preservación dichital
Esta revista emplega los sistemas LOCKSS, CLOCKSS y a PKP Preservation Network (PKP PN) pa crear un sistema d’archiu distribuyiu entre bibliotecas participants y garantizar la preservación dichital a largo termino d'os suyos contenius. Este ret permite l’acceso permanent y la recuperación d’os materials d’a revista en caso que lo puesto web deixe d’estar disponible.
Declaración etica
La revista sigue las buenas practicas editorials definidas per lo Committee on Publication Ethics (COPE). Los autors son responsables d’a orichinalidat d’os suyos treballos y d’a correcta citación d’as fuents utilizadas. No se permite practicas de plachio ni publicacions duplicadas. Los nombres y las adrezas electronicas introducidas en a Revista de l'Academia Aragonesa de la Lengua s'emplegarán exclusivament pa los fins indicaus per la revista y no serán disponibles pa garra atro proposito ni pa tercers.
Politica de dreitos d’autor
Los autors conservan os dreitos d’autor y atorgan a la revista y a l’Academia Aragonesa de la Lengua lo dreito de primera publicación. Los textos se publican baixo la licencia CC BY-NC-ND 4.0, que permite compartir los treballos citando a fuent, sin fins comercials y sin fer-ne obras derivadas.
No se cobran taxas por ninvio ni per publicación (APCs).
